2022- yilning 30- sentabr sanasida Xorazm viloyati statistika boshqarmasida xodimlarning huquqiy savodxonligini oshirishga qaratilgan navbatdagi seminar bo‘lib o‘tdi.
Seminarda O‘zbekiston Respublikasi Prezidentining 2019- yil 9- apreldagi qabul qilingan “Davlat boshqaruvining ochiqligi va shaffofligini ta’minlash hamda mamlakatning statistik salohiyatini oshirish yuzasidan qo‘shimcha chora-tadbirlar to‘g‘risida”gi PQ-4273-sonli hamda 2020- yil 3- avgustdagi “O‘zbekiston Respublikasining milliy statistika tizimini yanada takomillashtirish va rivojlantirish chora-tadbirlari to‘g‘risida”gi PQ-4796-sonli qarorlarining ahamiyati tushuntirildi.
Statistika sohasiga bevosita daxldor ushbu me’yoriy-huquqiy hujjatlarning mohiyati va ularni bajarish yuzasidan soha xodimlari zimmasiga yuklatiladigan vazifalar xususida hududiy boshqarmaning bosh yuriskonsulti I.Otajonov tomonidan batafsil ma’lumotlar berildi.
Axborot xizmati