Joriy yilning 29- sentabr kuni Xorazm viloyati statistika boshqarmasi Demografiya va mehnat statistikasi bo‘limi xodimlari tomonidan viloyat xalq ta’limi hamda maktabgacha ta’lim boshqarmalari bilan hamkorlikda mehnat statistikasiga oid Davlat statistika hisobotlarini taqdim etish tartib-qoidalariga bag‘ishlangan seminar tashkil etildi.
Seminarda umumiy o‘rta ta’lim maktablari va maktabgacha ta’lim tashkilotlarining mas’ullariga eStat 4.0 onlayn tizimidan foydalangan holda 4-Mehnat choraklik Davlat statistika hisobotini muddatidan kechiktirmasdan, xato va kamchiliklarsiz taqdim etish bo‘yicha tushuntirishlar berildi.
Tadbir yakunida ishtirokchilarni qiziqtirgan savollarga statistika boshqarmasi Demografiya va mehnat statistikasi bo‘limi boshlig‘i Z.Bobojonov va o‘rinbosari N.Sultonmuratovalar tomonidan atroflicha javob berildi.
Axborot xizmati