Joriy yilning 11- aprel kuni Xorazm viloyati statistika boshqarmasi boshlig‘i X.Egamov, o‘rinbosarlari U.Bardiev, A.Rahimov hamda Narx statistikasi bo‘limi xodimlari ishtirokida oylik iste’mol narxlari indeks kuzatuvi o‘tkazildi.
Kuzatuv jarayonida viloyatning Gurlan, Hazorasp tumanlari va Xiva shahridagi tanlanma kuzatuvga tushgan xizmat ko‘rsatish obyektlarida aholiga ko‘rsatilayotgan turli xil xizmatlarning narxlari o‘rganildi, qiyosiy tahlil qilindi. Shu bilan birga hududlardagi narxlarni ro‘yxatga olishga mas’ul qilib belgilangan xodimlar (registratorlar)ga xizmat ko‘rsatish narxlarining realligi va shaffofligiga e’tibor berish hamda tanlanma kuzatuvni samarali o‘tkazish bilan bog‘liq tashkiliy masalalar yuzasidan taklif va tavsiyalar berildi.
Narx kuzatuvlari viloyatning barcha hududlarida davom etmoqda.
Axborot xizmati