17/01/2022

Xiva shahrida  2021-yilning 1-25- noyabr kunlari bo‘lib  o‘tgan sinov  tariqasida  aholini  ro‘yxatga  olish  jarayonlarida  ishtirok  etgan xalqaro  kuzatuv  missiyasi  tomonidan tadbirga tayyorgarlik ko‘rish va o‘tkazish bo‘yicha bir qator  taklif va tavsiyalar berildi.

Ana shu tavsiyalar qatorida aholini ro‘yxatga olish bo‘yicha targ‘ibot-tashviqot ishlarini olib borishni yanada jonlashtirishga asosiy urg‘u berildi. Sababi, tadbir jarayoni ommaviy axborot  vositalari va  ijtimoiy tarmoqlar orqali targ‘ibot ishlarini  yanada kuchaytirich zarurligini ko‘rsatdi.

 Targ‘ibot va tashviqot ishlarining maqsadi nimalardan iborat va u qanday shakllarda olib boriladi ?

Aytib o‘tish kerakki, ushbu ishlardan maqsad jamoatchilikka tadbirning asosiy mazmunini yetkazish orqali,  aholining o‘z fuqarolik pozitsiyasidan kelib chiqqan holda, 2023- yildagi asosiy tadbirda faol va uyushqoqlik bilan ishtirok etishini ta’minlashdir.

Ushbu maqsadga erishish uchun targ‘ibot ishlarini  quyidagi yo‘nalishlarda olib borish belgilangan:

-televideniya orqali ko‘rsatuvlar, seminarlar va davra suhbatlarini tashkil etish,

- videoroliklarni televideniya  va aholi gavjum bo‘lgan joylardagi monitorlarda namoyish etish,

- radio orqali eshittirishlar tashkil etish,

- gazeta va jurnallarda maqolalar chop etish,

- rasmiy veb-saytlarda maqolalar va tezislar joylashtirish, ya’ni viloyat va tuman darajasidagi tashkilot, korxona va muassasalarning rasmiy veb-saytlariga maqola yoki tezislar joylashtirib borish,

- Oliy va o‘rta maxsus ta’lim muassasalari, umumta’lim maktablarida seminar yoki davra suhbatlarini tashkil etish.  Bunda asosiy e’tiborni tadbirning huquqiy, metodologik hamda nazariy asoslarini tanishtirishga qaratish nazarda tutiladi.

Yuqoridagilar ko‘rinadiki, aholini ro‘yxatga olish tadbiriga tayyorgarlik  ko‘rish va uni o‘tkazish  keng qamrovli ishlarni bajarishni talab qilganidek, targ‘ibot va tashviqot ishlari ham ommaviy axborot vositalari, korxona va tashkilotlar bilan uzviy hamkorlikda ishlashga qaratilgan.

 

                                                                                            Sanobar Qurbonova

Viloyat statistika boshqarmasi Ro‘yxatga olish jarayonlariga tayyorgarlik ko‘rish va uni o‘tkazish bo‘limi yetakchi  mutaxassisi