2023- yilda o‘tkazilishi belgilangan aholini ro‘yxatga olishga tayyorgarlik ko‘rishda targ‘ibot ishlarini samarali tashkil etish muhim ahamiyatga ega. Ayniqsa targ‘ibot ishlarining mahallalar, idora va tashkilotlar kesimida tashkil etilayotgani katta ahamiyat kasb etmoqda.
Bugun, 20- avgust kuni navbatdagi targ‘ibot tadbirlari Bog‘ot tumanidagi “Oq oltin” mahalla fuqarolar yig‘ini hamda tuman hokimligida, Urganch shahridagi “Gulshan” MFY va “Hamkorbank” ATB shahar bo‘limida, Xonqa tumani xalq ta’limi bo‘limida, Yangibozor tumani hokimligi qurilish bo‘limida uchrashuvlar tashkil etildi. Ushbu hududlarda targ‘ibot tadbirlarini tashkil qilgan statistika bo‘limi mutaxassislari tomonidan keng jamoatchilikka aholini ro‘yxatga olish jarayonlarini tashkil etish va o‘tkazish, tadbirning maqsad va vazifalari hamda O‘zbekiston Respublikasi Vazirlar Mahkamasining 2020 - yil 11- noyabrdagi 710-sonli qarori bilan tasdiqlangan “O‘zbekiston Respublikasida 2023- yilda aholini ro‘yxatga olishga tayyorgarlik ko‘rish va uni o‘tkazish tartibi to‘g‘risida” gi Nizomning asosiy qoidalari bo‘yicha batafsil ma’lumotlar berib o‘tildi.
Axborot xizmati