O‘zbekiston Respublikasi Vazirlar Mahkamasining 2020- yil 11- noyabrdagi 710-sonli qaroriga muvofiq joriy yilning 1-25- noyabr kunlari respublikamizning 4 hududida,shu jumladan, Xiva shahrida sinov tariqasida aholini ro‘yxatga olish o‘tkazilishi belgilangan. Mazkur tadbirga tayyorgarlik ko‘rish jarayonida shu yilning may oyida registratorlar tomonidan shahardagi mahallalarda joylashgan uy-joylarning ro‘yxatini tuzish ishlari amalga oshirilgani yuzasidan axborot berilgan edi. Kecha, 7- iyul kuni Xiva shahrida registratorlarning ish faoliyatini yakuni bo‘yicha qabul qilingan hisobotlarni tahlil qilish va shu asosda mahalla fuqarolar yig‘inlarining sxematik xaritalariga shu kunga qadar kiritilgan o‘zgarishlarning muhokamasiga bag‘ishlangan yig‘ilish tashkil etildi.
Yig‘ilishda Davlat statistika qo‘mitasi Ro‘yxatga olish jarayonlarini tashkil etish va o‘tkazish boshqarmasi etakchi mutaxassisi S.Guseynov viloyat statistika boshqarmasi boshlig‘ining o‘rinbosari A.Rahimov, boshqarmaning Ro‘yxatga olish jarayonlarini tashkil etish va o‘tkazish bo‘limi mutaxassislari, shahar kadastr idorasi mas’ullari hamda mahalla fuqarolar yig‘inlari raislari ishtirok etishdi.
Axborot xizmati