Joriy yilning 6- fevral kuni Xorazm viloyati statistika boshqarmasi boshlig‘ining o‘rinbosari U.Bardiyev va Turmush darajasi statistikasi va uy xo’jaliklari kuzatuvlari bo’limi mutaxassisi Yu.Polvanovalar Gurlan tumanidagi “Do‘stlik bog‘i” mahallasidan uy xo‘jaligi kuzatuviga tushgan xonadonlarning egalari I. Tilovov va B.Ibragimovlar bilan so‘rovnoma o‘tkazdilar.
Kuzatuv jarayonida mazkur uy xo‘jaliklari a’zolarining daromadlari va iste’mol qilayotgan oziq-ovqat va nooziq-ovqat mahsulotlariga qilingan xarajatlar, aholi turmush darajasini aniqlashga yo‘naltirilgan boshqa ma’lumotlar shakllantirildi.
Aytish lozimki, uy xo’jaliklarida o’tkazilgan kuzatuvlar natijalari asosida ijtimoiy-iqtisodiy jarayonlarning aholi turmush darajasiga ta’sirini o’rganish va mamlakat aholisi farovonligini yanada yuksaltirishga qaratilgan qo’shimcha chora-tadbirlarni ishlab chiqish uchun ma’lumotlar shakllantiriladi.
Axborot xizmati