2023- yilda o‘tkazilishi belgilangan aholini ro‘yxatga olishga tayyorgarlik ko‘rishda targ‘ibot ishlarini samarali tashkil etish muhim ahamiyatga ega. Ayniqsa targ‘ibot ishlarining mahallalar, idora va tashkilotlar kesimida tashkil etilayotgani katta ahamiyat kasb etmoqda.
Bugun, 17- avgust kuni navbatdagi targ‘ibot tadbirlari Qo‘shko‘pir tumanining “Kenagas” va Xonqa tumanining “Paxtakor” MFY larida, Xalq deputatlari Xiva tumani Kengashi kotibiyati xodimlari ishtirokida, Yangiariq tumanidagi bir qator tashkilotlarda, xususan, fermerlar kengashi va buxgalteriya markazida, Davlat xizmatlari markazi hamda “Matbuot tarqatuvchi” MChJ da, “Xalq banki” ATB Tuproqqal’a tumani filialida bo‘lib o‘tdi.
Ushbu hududlarda targ‘ibot tadbirlarini tashkil qilgan statistika bo‘limi mutaxassislari tomonidan keng jamoatchilikka aholini ro‘yxatga olish jarayonlarini tashkil etish va o‘tkazish, tadbirning maqsad va vazifalari hamda O‘zbekiston Respublikasi Vazirlar Mahkamasining 2020 - yil 11- noyabrdagi 710-sonli qarori bilan tasdiqlangan “O‘zbekiston Respublikasida 2023- yilda aholini ro‘yxatga olishga tayyorgarlik ko‘rish va uni o‘tkazish tartibi to‘g‘risida” gi Nizomning asosiy qoidalari bo‘yicha batafsil ma’lumotlar berib o‘tildi.
Axborot xizmati