Bugun 19- aprel kuni Xorazm viloyati statistika boshqarmasi va O‘zbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi Xorazm viloyat boshqarmasi hamkorligida mediatur tashkil etildi. Mediaturda OAV vakillari ishtirok etishdi.
2023- yilda O‘zbekiston Respublikasida o‘tkaziladigan aholini yalpi ro‘yxatga olish ishlariga viloyatimizda ko‘rilayotgan tayyorgarlik bilan yaqindan tanishish maqsadida tashkil etilgan mazkur tadbir viloyatning Yangibozor va Gurlan tumanlarida bo‘lib o‘tdi.
Xususan, Yangibozor tumanida mavjud mahalla fuqarolar yig‘inlari raislari va hokim yordamchilari ishtirokida tashkil etilgan seminarda aholini ro‘yxatga olishga tayyorgarlik jarayonida fuqarolarni o‘zini-o‘zi boshqarish organlarining ishtiroki xususida viloyat statistika boshqarmasi mutaxassislari tomonidan batafsil ma’lumotlar berildi. Ro‘yxatga olish savolnomalarining namunalari bilan tanishtirildi, yig‘ilganlarning savollariga javoblar berildi.
Mediatur Gurlan tumanida davom etib, tuman markazidagi “Bog‘iston” mahalla fuqarolar yig‘inida xonadonlarning raqamlanish, ko‘chalarning nomlanish holati kadastr bo‘limi vakili, mahalla fuqarolar yig‘ini raisi ishtirokida tanlanma o‘rganildi. Shu o‘rinda barcha mahallalarning kartografik chizmalarini reviziyadan o‘tkazish va statistika idoralariga taqdim qilish yuzasidan tuman kadastr bo‘limi bilan kelishib olindi.
Xorazm viloyati statistika boshqarmasi Axborot xizmati