"Statistikani rivojlantirish - 2030" milliy strategiyasini tasdiqlash hamda roʻyxatga olish maʼlumotlaridan samarali foydalanishni tashkil etish chora-tadbirlari toʻgʻrisida” gi Prezident Farmonining asosiy maqsadlari:
- aholi va qishloq xoʻjaligini roʻyxatga olish natijalari asosida ijtimoiy-iqtisodiy hamda qishloq xoʻjaligi statistikasini takomillashtirish;
- Milliy statistika tizimini kelgusi 5 yilda xalqaro standartlarga mos ravishda rivojlantirishga qaratilgan strategiyani tasdiqlash;
- 2030-yilga qadar tadbirkorlik subyektlari tomonidan taqdim etiladigan hisobot yukini 20 foizga qisqartirish;
- rasmiy statistikani shakllantirishda foydalaniladigan maʼmuriy va muqobil maʼlumotlar manbalari sonini 2030-yilga qadar 1,7 baravarga oshirish;
- kelgusi 5 yil davomida sunʼiy intellekt texnologiyalarini joriy etish hisobiga maʼlumotlarga ishlov berish muddatini 20 foizga qisqartirish va bir maʼlumot uchun sarflanadigan xarajatlar miqdorini 25 foizga maqbullashtirish;
- Oʻzbekiston Respublikasi hududida 2026-2027-yillarda biznesni roʻyxatga olishni tashkil etish va multiindikator klaster kuzatuvlarining 7-raundini oʻtkazish.
