Bugun, 4- aprel sanasida Xorazm viloyati statistika boshqarmasida O‘zbekiston Respublikasi Prezidentining 2025- yil 14- martdagi “Oila va xotin-qizlarni qo‘llab-quvvatlash tizimini yanada takomillashtirish chora-tadbirlari to‘g‘risida”gi PQ-103-son qarorining targ‘ibotiga bag‘ishlangan yig‘ilish bo‘lib o‘tdi.
Boshqarma bosh yuriskonsulti I.Otajonov ishtirokchilarga ushbu qarorning yo‘nalishlari, asosiy mazmun va mohiyati bo‘yicha batafsil ma’lumotlarni taqdim etdi.
Xususan, xotin-qizlarni har tomonlama qo‘llab-quvvatlash, iqtisodiy faolligini oshirish va ijtimoiy himoyasini kuchaytirish bo‘yicha belgilangan asosiy vazifalarni amalga oshirish maqsadini ko‘zlovchi ushbu qarorda mamlakatimizda 2 million nafar xotin-qizlarning bandligini ta’minlash, 250 ming nafarini kasb-hunar va tadbirkorlikka o‘qitish, 250 ming nafarini oliy ta’lim bilan qamrab olish, 50 ming nafar ehtiyojmand xotin-qizlarni sanatoriylarda sog‘lomlashtirish hamda ularda tadbirkorlik ko‘nikmalarini shakllantirish bo‘yicha motivatsion seminarlar tashkil etish belgilangan.
Axborot xizmati