Shu yilning 6- mart kuni Xorazm viloyati statistika boshqarmasida boshlang‘ich kasaba uyushmasining hisobot saylov yig‘ilishi bo‘lib o‘tdi.
Yig‘ilish kun tartibida 2024- yil davomida jamoa shartnomasining bajarilish yakunlari hamda boshlang‘ich kasaba uyushmasining o‘tgan yildagi ish faoliyati bo‘yicha hisobotlarni tinglash, boshlang‘ich kasaba uyushmasining raisi va Kengash a’zolarining yangi tarkibini saylash masalalari ko‘rib chiqildi.
Yig‘ilish davomida boshqarma boshlig‘i A.O‘tamuratovning jamoa shartnomasida ko‘zda tutilgan vazifalarni bajarish bo‘yicha qilingan ishlar xususida, kasaba uyushmasi boshlang‘ich tashkiloti raisi Sh.Babadjanovning 2024- yilda kasaba uyushmasi tomonidan amalga oshirilgan ishlar yuzasidan axborotlari tinglandi.
Shuningdek, Kengash a’zolarining yangi tarkibi ham shakllantirildi.
Yig‘ilishda davlat muassasalari va jamoat xizmati xodimlari kasaba uyushmasi Xorazm viloyati kengashi raisi Sh.J.Allaberganov ishtirok etdi.
Axborot xizmati