2025- yilning 28- fevral kuni Xorazm viloyati statistika boshqarmasida huquqiy savodxonlikni oshirish bo‘yicha navbatdagi seminar bo‘lib o‘tdi.
Xodimlarning huquqiy madaniyatini yuksaltirish va ularning qonunchilikdagi yangiliklardan xabardorlik darajasini oshirishga yo‘naltirilgan seminarda ishtirokchilarga “O‘zbekiston Respublikasi Prezidenti huzuridagi Statistika agentligining Kadrlar malakasini oshirish va statistik tadqiqotlar instituti faoliyatini takomillashtirish chora-tadbirlari to‘g‘risida” gi Vazirlar Mahkamasining 106-sonli qarori tanishtirildi.
Boshqarma bosh yuriskonsulti I.Otajonov qarorning mazmun-mohiyati va amaliyotga tadbiq etilishi bilan kiritilayotgan o‘zgarishlar, xususan, tizim xodimlarining malakasini oshirish va ularni qayta tayyorgarlikdan o‘tkazishning yangi tartib va qoidalari yuzasidan batafsil tushuntirishlar berib o‘tdi, shuningdek, joriy yilning fevral oyida qonunchilikdagi yangiliklar bo‘yicha axborot berdi.
Axborot xizmati