2025- yilning 29-30- yanvar kunlari viloyatimizning shahar va tumanlaridagi bir qator umumta’lim muassasalarida aholini ro‘yxatga olishga bag‘ishlangan seminarlar tashkil etildi.
Xususan, Urganch tumanidagi 36-son, Xiva shahridagi 1-son, Gurlan tumanidagi 27-son va Hazorasp tumanidagi 20-sonli ta’lim muassasalarida hududiy statistika bo‘limi mutaxassislari ishtirokida o‘tkazilgan muloqot jarayonida o‘quvchilar va pedagoglarga aholini ro‘yxatga olish tadbirini o‘tkazishning asosiy maqsadi, mazmun-mohiyati hamda jarayonni tashkil etishning tartibi xususida ko‘plab ma’lumotlar berib o‘tildi.
Tadbir yakunida o‘quvchilarning mavzuga oid savollariga javob berildi.
Axborot xizmati