O‘zbekiston Respublikasi Prezidentining 2020- yil 30- oktabrdagi “Sog‘lom turmush tarzini keng tadbiq etish va ommaviy sportni yanada rivojlantirish chora-tadbirlari to‘g‘risida”gi PF-6099-sonli Farmoniga asosan joriy yilning 14- dekabr kuni Urganch shahridagi “Yoshlik” sport majmuasida viloyatdagi davlat tashkilotlari xodimlari o‘rtasida spartakiada o‘tkazildi.
Sportning shaxmat-shashka, stol tennisi, yugurish va quvnoq startlar turlari bo‘yicha tashkil etilgan mazkur sport musobaqasida Xorazm viloyati statistika boshqarmasi jamoasi faol ishtirok etdi.
Jamoamiz 9 ta davlat tashkilotlari o‘rtasida bo‘lib o‘tgan musobaqalarda sportning stol tennis turida faxrli 2-o‘rinni, shaxmat-shashka va quvnoq startlar turida 3-o‘rinni egallashdi.
Sovrindorlarga qimmatbaho sovg‘a va diplomlar topshirildi.
Axborot xizmati